Já maður lætur flensuna ekki stoppa sig í öllu páskaplaninu...

Í kvöld ætla ég að hitta Snjóku, Vilmu og Gunnsa, taka fram eitthvert spilið og við etja kappi gegn hvort öðru.

Vilma þykist hafa unnið pókerinn sem henni var boðið í í gær eingöngu þar sem hún sé svo seinheppin í ástum, en núna verður málið flóknara þar sem við 4 erum öll einhleyp og búin að vera í mislangan tíma.

Búið er þó að dæma mig sem þá sem tapi þar sem ég sé búin að vera styst ein og ótrúlegt en satt sú sem hefur hvað mest að gera í strákunum (eða í Gunnsa tilfelli er það nú meira ósk um stelpuvesen).    
Það hefur nú ekki farið mikið fyrir því að ég sé að flækjast í strákunum, en þó dúkkaði einn fyrrum vinur upp fyrir nokkru og vildi endurnýja vinskapinn en ég reyndar er ekki alveg að kaupa það að fá hann aftur inn í líf mitt, en þetta hefur samt kveikt á einhverju því núna um páskana átti ég að eiga stefnumót við enn einn manninn af 66 árgerðinni.
Flensan hefur reyndar komið í veg fyrir að ég fari og hitti hann, en hann er þó búinn að vera voðalega sætur að hringja reglulega og sjá hvort mér sé ekki að batna svo ég er eiginlega að verða búin að dæma hann of næs strák til að vera í lagi.

En vona að þið eigið öll gott laugardagskvöld og munið að senda mér baráttukveðjur í spilin. 
Ætla svo að vakna á morgun og brjóta eggið mitt svo ég sjá málsháttinn minn loksins .....

Athugasemdir

[Jóna Á. Gísladóttir, 23.3.2008 kl. 01:34]

Tortryggin fram í rauðan dauðann

Vona að þú sjair fyrir endann á andstyggðarveikindunum