kunnuglegur morgun ...

voðalega var þetta kunnuglegur morgun í morgun,  vakna seint, fá sér snæðing og leggjast yfir blogglestur í tölvunni.   Nú er ég enn betur tilbúin að takast á við hvað eina sem mér dettur í hug að gera í dag heldur en ég var síðustu 3 morgna þar sem vinnan bara kallaði.

Best að koma sér út í fallega daginn því kellingaspjall verður hér síðdegis þar sem nýskilin vinkona vill koma og ræða hlutina, hún svo heppin að þekkja bara eina fráskilda konu .... mig.

Njótið dagsins, úr glugganum mínum virðist allavega vera fallegt veður, ætla að tékka á því

Athugasemdir

[Ásdís Sigurðardóttir, 25.8.2007 kl. 12:00]

Þú verður dugleg að veita vinkonu þinni stuðning. Eigðu ljúfastan dag.

[Hrönn Sigurðardóttir, 25.8.2007 kl. 12:56]

Gott að eiga góða að á erfiðum tímum.

[Svava S. Steinars, 25.8.2007 kl. 23:52]

Fráskildar spjalla - hægt að búa til sjónvarpsþátt sem heitir þetta, manstu ekki eftir Spekingar spjalla sem var alltaf á nýársdag.

[Rebbý, 26.8.2007 kl. 09:00]

haha Svava mín, ekki viss um að fráskildaspjallið hafi verið af miklu viti, en vissulega þekkir þú báða aðila í spjallinu svo kannski hefðir þú haft gaman að

[Svava S. Steinars, 27.8.2007 kl. 00:49]

Hóhó, nú er ég forvitin, hver var hin ?

[Rebbý, 27.8.2007 kl. 11:46]

Haha, við vorum alltaf fimm saman svo það er auðvelt að koma þessu dulúðlega til skila.   Þetta eru ekki ég og þú, ekki þessi ólétta og ekki þessi nýgifta ... málið leyst