feels like 18 again ...

... á Menninganótt sá ég gamlan elskhuga sem ég eyddi ómældum tíma með þegar ég var 17 - 18 -19 ára.   Talaði ekkert við hann núna, enda hann úti að labba með börnin og konuna en fékk svo sætt bros og blikk frá honum að ég mundi skyndilega af hverju ég hafði fallið svona fyrir honum hér á árum áður.  Fór meira að segja að fletta myndaalbúmum og rifja upp gamla tíma hérna ein heima.
Gústi Tranz, sólbrúnn töffari sem átti flottustu bílana, og eigin íbúð sem var meira en við krakkarnir gátum státað af enda nokkrum árum eldri en við og farinn að vinna fyrir sér fyrir nokkru sem smiður.

En nú hefur Vilma vinkona bætt um betur og sent mig aftur til 18 ára aldursins með því að finna MySpace síðu Mosa frænda og er ég búin að sitja núna og hlusta á smáskífu sem við einhverra hluta vegna elskuðum þá. 
Lagið Ástin sigrar var í algjöru uppáhaldi hjá okkur, öllum okkar vinum held ég til mikillar armæðu því það virtist enginn annar sjá hverslags snilld þetta lag var.
Þau voru td ekki fá partýin eftir miðbæjarrölt eða -rúnt sem enduðu með því að við settum Mosa á fóninn og þá flúðu allir.

Svona fyrir þá sem vilja heyra í fyrsta sinn eða aftur þá eru þeir með www.myspace.com/mosifraendi  

Dalton eru líka með MySpace síðu og þar sem ég var að dásama gæsalagið þá hendi ég slóðinni þeirra hérna líka www.myspace.com/daltonbraedur

Athugasemdir

[Kolbrún Jónsdóttir, 20.8.2007 kl. 20:46]

Ég man þokkalega eftir Gústa Trans... enda mikill nágranni minn.  Hrikalega var gaman að vera sweet eighteen

[Ásdís Sigurðardóttir, 20.8.2007 kl. 21:28]

Æskuástin ljúfsára gleymist aldrei.

[Hibba Bibba (IP-tala skráð) 20.8.2007 kl. 22:03]

jeminn hvað gaman að hlusta á þetta aftur 

[Vilma (IP-tala skráð) 20.8.2007 kl. 23:29]

I told you so... sagði að það yrði þess virði að kíkja á bloggið mitt í dag. Ástin sigrar (?) eða ekki - það er auðvitað enn spurning en lagið stendur fyrir sínu

[Kristín (IP-tala skráð) 21.8.2007 kl. 16:29]

Varð bara að hlusta á "ástin sigrar" og bara nokkuð gott lag sko. Eins " katla kalda" ...  Hef nú heyrt þau bæði áður eitthverstaðar.