Rebbý

Í helgarlok ...

Snilldarkokkurinn ég fékk gefins lax eftir vinnu á föstudaginn .... getum kallað þetta launabónus þar sem fjármálastjórinn hafði skroppið í veiði og konunni hans leyst ekki á að þurfa að borða allan aflann.
Eftir að hafa gengið frá stærstum hluta eintaksins míns í frystinn þá fékk ég mér lax á asískan máta eða setti sko Satay sósu (hnetusósa) á hann sem er æðisleg blanda.
Um kvöldið var svo bara slappað af yfir sjónvarpinu og slappað af fyrir stóra djammið á laugardagskvöldið.

Það verður fátt haft eftir um laugardagskvöldið (já ég veit að ég er leiðinleg, þetta var bara ekki prenthæft kvöld híhí) en verð þó að játa á mig að ég klikkaði alveg á að mæta í Ljónapartýið hjá Vilmu og bið ég hér með alla þar afsökunar á slórinu mínu en það var ekki fyrr en að verða 3 um nóttina sem ég var tilbúin til að flytja mig milli skemmtana en þá fannst bílstjóranum mínum ég eiga að fara heim að sofa svo hann keyrði mig beina leið heim til mín.

Í dag hef ég svo ekkert gert af viti enda bara að slappa af fyrir næstu viku sem verður all svakaleg í vinnunni þar sem ég er bæði að kenna launin og leysa bókarann af svo það verður mikið meira en nóg að gera svo sennilega heyrist ekkert í mér.

Flokkur: Bloggar | 27.7.2008 | 23:13 | Facebook