Rebbý hjúkka ...

Aldeilis búið að vera fallegt veður í dag og ég alveg búin að ná að njóta hluta hans úti á svölum.
Meiri hluti dagsins hefur þó farið í að horfa á myndarlega lækna niðri á bráðavakt og óvart hálf nakinn vinnufélaga sem skildi ekki hvað hjúkrunarfræðingurinn var að segja þegar hún bað hann að fara úr skóm og sokkum.

Einn af þessum elskum sem er alltaf boðinn og búinn að aðstoða mig við hvað eina sem mig vantar þurfti nefnilega að komast undir læknishendur í dag og vissi ekkert hvernig hann átti að snúa sér í því svo hann hringdi og bað mig um greiða og við skutluðumst saman niður á bráðavakt og sátum þar í nokkra klukkutíma.
Ég held að læknarnir hafi skemmt sér vel við að hlusta á mig útskýra fyrir guttanum hvað væri að gerast og að hann ætti að taka lyf og jafnvel láta skoða sig aftur á morgun því þetta fór allt fram á barnalegri íslensku + látbragði.
Allavega er ég núna búin að fá hjúkkustimpil hjá strákunum mínum því ég er búin að hringja og tékka á honum núþegar og mun kíkja til hans á morgun til að skoða bólguna og ákveða hvort það þurfi að fara á bráðavaktina á ný.

Klikkaði alveg á að skoða vaktaplan læknanna ...... ætli það séu sömu strákarnir sem ég fengi að sjá .....

Athugasemdir

[Ásdís Sigurðardóttir, 19.7.2008 kl. 20:59]

  Þú stelur bara vaktplaninu næst og gerir svo mállausa vininn þinn veikan á réttum dögum, ekkert mál að klípa og slá, hann getur hvort eð er ekki kjaftað frá.  Kannski fatta þeir með tímanum að þetta er heimilisofbeldi, en þá læturðu þig bara hverfa  púff     

[Hrönn Sigurðardóttir, 20.7.2008 kl. 14:20]

Ef þetta er unglæknir þá er hann alltaf á vakt

[Hrafnhildur (IP-tala skráð) 20.7.2008 kl. 16:14]

Frábær færsla vildi að ég hefði verið þarna með þér  ég hefði örugglega skemmt mér vel. Ég skal reyna að komast yfir vaktaplanið og senda þér