enn og aftur einkamál

Eftir að hafa lesið lýsinguna sem Hrönn myndi setja um mig á einkamál þá opnaði ég upp á nýtt aðgang minn að þessum sorastað og viti menn .... fann ekki bara Mika gaurinn mig aftur.
Viðurkenndi að hann hefði verið helst til dónalegur að afklæðast og ætla svo bara að hafa það gott upp í leðursófanum mínum, en vildi þó ólmur fara á annað stefnumót.

Ég spurði bara pent hvernig stefnumót nr 2 myndi vera með manni sem hefði gengið svona fram af mér (og reyndar komið svona góðri sögu á netið) og svarið sem ég fékk var "gætum horft á spólu saman"    ég verð að viðurkenna að eina sem mér dettur í hug eftir fyrri reynslu er að það færi blá mynd í tækið

Annars er ég bara búin að eiga agalega rólega helgi ... var að vinna reyndar til miðnættis á föstudag og skrapp svo í 4 tíma í vinnuna í gær en þess utan bara búin að dunda mér heima og horfa á imban auk þess auðvitað að tala við pervertana á einkamálum + reyndar 2 sem virðast með kollinn í lagi.   Spurning að tékka aðeins betur á þeim....

Athugasemdir

[Hrönn Sigurðardóttir, 29.6.2008 kl. 18:22]

Gangi þér vel........;)

[Doddi - Þorsteinn G. Jónsson (IP-tala skráð) 29.6.2008 kl. 21:21]

Góðar kveðjur til þín, sæta dúlla!

[Ásdís Sigurðardóttir, 29.6.2008 kl. 22:03]

Farðu í göngutúra með Ferðafélaginu þar finnurðu örugglega einhvern ógiftan, ef en hann býr enn heima hjá mömmu sinni þá skaltu hlaupa hratt.

[Vilma Kristín , 30.6.2008 kl. 12:18]

Hey... svo komstu í heimsókn til mín á laugardagskvöldið og bjargaðir mér frá því að eyða því í að skúra... takk takk!

[Rebbý, 30.6.2008 kl. 19:16]

já Ásdís, spurning að tékka á ferðafélaginu .... allavega gekk salsað ekki því þar voru bara stelpur og stelpulegir stráklingar
takk Doddi minn, alltaf bjargar þú deginum
og auðvitað mátti ég ekki gleyma þér Vilma mín, takk fyrir skrítnu ídýfuna
Hrönnsla, takk fyrir góða kveðju sem kom alveg frá dýpstu hjartarótum