Komin í kk bindindi ....

Eitt og annað hefur nú drifið á daga mína síðan ég sendi frá mér síðustu skilaboð hérna og ég mun segja frá því flestu ef ég þekki mig rétt í næstu færslum.

Meðal verkefna sem ég sinnti var að losa mig við strákana mína ... sá að þessi leikur sem við erum búin að vera að leika er ekki að ganga og ég bara ekki að kunna við mig í þessu endalausa drama með "útlendinginn", endalausa bulli með "the nice guy" og tilfinningarússíbananum með "the bad boy"

Þetta hefur að sjálfsögðu haft sinn aðdraganda en ég byrjaði á að losa mig við "the nice guy"
Ég var einfaldlega ekki nægilega spennt og hann svo greinilega ekki heldur þegar á hólminn var komið.

Síðan var það "útlendingurinn"   Sá á honum nýja hlið nýlega sem er að gera mig bilaða. 
Þvílík dramadrottning sem hann er.  
Mér fannst upphaflega sjarmerandi að hitta á mann sem passaði upp á mann eins og ég væri dýrgripur (sem ég náttúrulega er) en andsk.... hafi það ef maður má ekki hreyfa litla putta öðruvísi en með afskiptasemi og ekki bara ég heldur allir í kringum hann.
Svo ef við ekki hlíðum 110% þá fer skapið til ansk... og rifist eins og smákrakki.
Við íslensku stelpurnar erum einfaldlega of sjálfstæðar fyrir svona vitleysu. 

Ég lauk þessu svo síðastliðinn þriðjudag þegar ég talaði við "the bad boy" og kvaddi hann.   
Hann er samt svo magnaður í að halda málunum opnum að meira að segja þegar ég kvaddi þá sagðist hann öruggur um að þetta væru ekki endalokin hjá okkur, við ættum eftir að hittast á förnum vegi og taka upp þráðinn á ný.

Karlmenn ......

Athugasemdir

[Kolbrún Jónsdóttir, 4.5.2008 kl. 20:00]

Veit ekki akkuru.... en ég leyfi mér að draga þessar yfirlýsingar í efa hahahahahahahaha  ------- ekkert ílla meint samt.

[Ein-stök, 4.5.2008 kl. 21:08]

Skemmtileg lýsing. Ég hef greinilega ekki fylgst nógu vel með.. eða ekki nógu lengi en.. ertu búin að vera með þrjá í takinu? Dugleg þykir mér

[Vilma Kristín , 4.5.2008 kl. 22:35]

He, he, einmitt.... gott hjá þér Rebbý... ef þig vantar leiðbeiningar hvernig á að halda svona bindindi endilega hafðu samband...

[Hrönn Sigurðardóttir, 4.5.2008 kl. 22:48]

you go girl!

[Ásdís Sigurðardóttir, 5.5.2008 kl. 13:01]

Dugleg stelpa, gott að vera sjálfstæð. Þegar sá rétti kemur þá finnurðu það strax, alveg eins og þegar raunverulegar hríðir byrja þá veistu að barnið er að koma, hinir verkirnir voru bara plat.  Knús til þín í einverunni