afhverju eldist einfaldleikinn af manni?

"Skrifaðu niður símanúmerið þitt og netfangið"  sagði unga konan við unga herrann um leið og hún rétti honum hluta af appelsínugulu servíettunni og penna með.
Það sem var kannski verst við þetta var að herrann var svo seinheppinn að sitja á borði með foreldrum sínum og vinum þeirra í fermingaveislu.

Held að þetta hafi verið hápunktur fermingaveislufaraldsins sem er nú yfirgenginn.
Mamman fór alveg í flækju og forðaði sér frá borðinu um stundarsakir til að leyfa syninum að jafna sig á þessari bón dömunnar, en ekki síður til að jafna sig á að sonurinn færi orðinn þetta gamall.

Voðalega vildi ég að maður hætti aldrei að vera svona frakkur/frökk

Skrapp áðan í smá leiðangur í Uniku, Gluggann og Rúmfó að reyna að fá hugmyndir um hvað ég ætla að gera næstu helgi til að gera svefnherberið ok en fékk enga köllun þar.
Ef ég væri ekki meyja þá myndi ég kannski bara taka mér pensil í hönd og mála texta upp á vegg hjá mér en þar sem ég veit hvernig ég skrifa þá læt ég ekki platast

         

Athugasemdir

[Hrönn Sigurðardóttir, 16.4.2008 kl. 22:39]

ehehe það er náttúrulega málið að hætta aldrei að reyna.........

[Jenný Anna Baldursdóttir, 17.4.2008 kl. 00:00]

Þú fremur gjörning í svefnóinu.  Listrænt og skemmtilegt.  Nýtt í hvert sinn.

[Ásdís Sigurðardóttir, 17.4.2008 kl. 11:31]

Gott að breyta um stíl í herberginu, aldrei að vita nema þú fáir næturgesti út á þetta serviettu brot.  Hafðu það gott ljúfan mín

[Laufey Ólafsdóttir, 18.4.2008 kl. 15:19]

Svefnherbergið mitt er alveg glatað. Allt út í fræðibókum, lögfræðiritum, orðabókum og bókmenntum. Kannski ekki skrýtið að kona sé einhleyp

Í öðrum orðum: þessi meyja hefur engin góð ráð fyrir þig.

Over and out!