prrrr prrrrrr

Mikið agalega var gott að vera bara heima um helgina að gera sem minnst (þrátt fyrir miklar veislur og skemmtilegar samkomur) en voðalega sá ég eftir því samt í dag þegar ljóst varð að ekki næðist rafmagn á efri byggðir fyrir kl 16 og þess vegna ekki hægt að greiða út blessuð launin.
Núna er ég með 220faldan hiksta frá vinnufélögum sem sáu að ekkert kom inn á bankareikningana í dag.
Nei svona í alvöru þá skilja þetta vonandi flestir þó vissulega hafi ekki allir vitað að það væri rafmagnslaust hjá okkur, en frétta það í fyrramálið þeir sem ekki sáu það bara í fréttunum í kvöld.

Annars er bara fátt að frétta af mér, nema hvað ég var staurblind seinni part gærdagsins  
Vissi svosem alveg að það væri ekki gáfað að skreppa með kattarofnæmið mitt í heimsókn á kattarheimili, en átti heldur ekki von á 6stk þar sem ég kíkti inn í kaffi með vinkonu minni inn á heimili vinkonu hennar.

Hafði þó gaman af því að hlusta á Boston Legal en sé samt að ég verð að hætta því snarlega þar sem ég er farin að taka upp takta úr þáttunum sem ég er ekki hrifin af ..... síðustu daga þegar ég hef verið eitthvað að vandræðast eða stressa mig þá hef ég byrjað að purra og ef þetta heldur áfram þarf ég að fara að tálga mér sígarettu og fer að ganga með hendur framan á lærum ....

Athugasemdir

[Jenný Anna Baldursdóttir, 31.3.2008 kl. 22:38]

Hahahaha, þú ert frábær.  Ekki hlusta meir á Boston Legal.  Heyrirðu það  krúttið þitt?

[Kolbrún Jónsdóttir, 31.3.2008 kl. 22:59]

Ohhh Boston Legal er mesti snilldarþáttur sem hefur verið framleiddur.