daður hér, daður þar, bara ekki daður allstaðar

Fyrir stuttu var mér sagt að Melabúðin væri toppurinn á tilverunni núna fyrir einhleypa því þar væri verið að selja matvörur í litlum einingum sem pössuðu okkur betur en ársbirgðaeiningarnar í Bónus og Krónunni.   Þeir væru búnir að auglýsa þetta það vel að þarna yrði örugglega flott að skoða í kringum sig því einhleypir myndu streyma þangað að versla.

Ekki að það eigi að vera frásögu færandi en ég skrapp í Krónuna að versla í gærkvöldi og þegar ég var að skila af mér innkaupakerrunni sem í var einn innkaupapoki (greinilega einhleypingur á ferð) þá vatt sér upp að mér maður sem bauðst til að taka körfuna svo ég þyrfti ekki að skila henni á sinn stað og þegar ég þakkaði boðið þá spurði hann hinn sætasti hvort það væri eitthvað fleira sem hann gæti gert fyrir mig en ég bara varð svo hlessa á þessu opna daðri í stórmarkaðinum að ég gat ekki fundið gott svar við þessu og horfði svo bara á eftir manninum kafrjóðum í framan halda áfram með kerruna í burtu.

Hvernig var með daðurnámskeiðið ..... daðra eins og bjáni í símann við þá sem ég þarf að eiga samskipti við vegna vinnunnar, en þegar kemur að daðri svona "face to face" þá bara dett ég alveg úr sambandi

Athugasemdir

[Vilma Kristín , 26.2.2008 kl. 23:21]

Mmmmm, enn spennandi!  Ég í Krónuna!

[Anna Stína (IP-tala skráð) 27.2.2008 kl. 07:58]

Dooh!  Ég sem er alltaf í Krónunni, lendi aldrei í svona ævintýrum!  Ég er greinilega ekki nógu smart!

[Ásdís Sigurðardóttir, 27.2.2008 kl. 11:15]

Hér er bara engin Króna og ég veit ekki hvort ég kynni við að láta daðra við mig, er orðin svo settleg.   

[Berglind Elva (IP-tala skráð) 27.2.2008 kl. 11:39]

dem - þú þarft að taka þig á ... bara gaman að smá daðri...

[Laufey Ólafsdóttir, 29.2.2008 kl. 00:03]

Ég kann að daðra en koxa svo alveg á að halda sambandinu gangandi. Getum við skipst á upplýsingum?

[Rebbý, 1.3.2008 kl. 11:12]

hef ekki farið í Krónuna aftur, en vissulega spennó að kíkja og sjá hvað þar gerist næst.
Laufey, ég tek þig með svo þú getir bjargað mér á ögurstundinni og svo í framhaldinu kenni ég þér að halda þeim í áratug  (ef þeir þá eru spennó)

[Hrönn Sigurðardóttir, 1.3.2008 kl. 14:04]

hahahahah ég skal svo kenna ykkur að losa ykkur við þá á viðkvæmum dögum.....