komin í jólafrí

eftir mikla vinnutörn hef ég ákveðið að taka mér langt jólafrí

Kom heim núna um 18 í kvöld alveg búin að gera helling síðustu 3 daga og bara hamingjusöm með útkomuna.  
Ætla mér að eiga nokkra daga bara í að gera ekkert áður en jólin koma því svo verður action eftir jólin í vinnunni og best að vera búin að keyra niður stressstigið áður en að því kemur.

Set stefnuna á að vakna seint á morgun og fara svo bara á eitthvað flakk í rólegheitunum og kaupa síðustu jólagjöfina og jafnvel sjá hvort ég finni engil á toppinn á jólatrénu.

Annars er ég aðallega að bíða eftir aðfangadagsmorgni þar sem stefnan verður á að skríða fram úr seint og horfa út um gluggann minn á fallega jólasnjókomu meðan ég hita mér kakó og fá mér smákökur og setjast svo í sófann með sængina mína og setja Miracle on 34th street í tækið og njóta þess að horfa á þessa fallegu mynd.

Vona að þið hin farið ekki með ykkur í jólastressi næstu daga  

ps Berglind, mig vantar leyniorðið þitt ef þú kemur og lest þetta.

Athugasemdir

[Vilma Kristín , 19.12.2007 kl. 22:22]

Hljómar vel, dáist að fólki með sjálfstjórn í svona.. góða afslöppun :)

[Ásdís Sigurðardóttir, 19.12.2007 kl. 22:29]

Svona aðfangadag langar mig líka í, þetta kemur. 

[Rebbý, 19.12.2007 kl. 23:49]

Vilma mín, þetta er þroski - læddist næstum út með gögn til að geta staðið í afstemmingum heima og svo sjáum við til hvort ég verði búin að tengja mig niður eftir áður en að helgi kemur.

[Berglind Elva (IP-tala skráð) 20.12.2007 kl. 03:52]

Hafðu það gott mín kæra og gleðileg jól, hlakka til að gera svipað og þú.

ps. orðið er skessa - veit að það er gróft en það er satt

[Hrönn Sigurðardóttir, 20.12.2007 kl. 16:54]

ohhhh það er svo falleg mynd!! Ég skæli alltaf yfir henni