ég er glanspía ...

Nei var ekki að láta mér vaxa sjálfsálit heldur var ég út í búð áðan og fjárfesti í nýju jólaskrauti þar sem gamla skrautið mitt er ekki að finnast og endaði ég á að kaupa glimmer blóm, glimmer greinar og glimmer laufblöð og var að setja saman í vasa og gera fallega skreytingu úr.  
Skreytingin er ofboðslega falleg en núna er ég og öll íbúðin mín eins og glansmynd og það er með eindæmum skemmtilegt að ná glimmer af sjálfum sér  

Síðustu jól hef ég verið í vandræðum með að kaupa ekki eitt af öllu sem ég sé í búðunum en núna fyrst mér finnst mig vanta svona mikið til að gera fínt hjá mér þá náttúrulega sé ég ekkert.
Farin í verkfall núna hvað jólaskrautskaup varðar, svo jólin verða nett hjá mér þetta árið, en tréð bjargar þessu nú þegar það fer upp.

Vona að ykkur sé að ganga vel í jólaundirbúningnum, allavega er ég að verða búin að skreyta, búin að kaupa gjafirnar og búin að senda gjöfina út og jólakortin öll farin í póstinn. 
Næstu helgi verður allt klárað og skreytt hjá gömlunni og gott ef maður hrærir ekki í eins og eina eða tvær sortir af smákökum.

Athugasemdir

[Ásdís Sigurðardóttir, 11.12.2007 kl. 23:37]

Þú ert bara algjör puntudúkka.  Það verða örugglega falleg jólin þin.

                           

[Berglind Elva (IP-tala skráð) 11.12.2007 kl. 23:51]

líst rosa vel á baksturinn um næstu helgi - nauðsynlegt að fá ilminn fyrir jólin - það er það sem gerir þetta svo dásamlegt ;)

[Hrönn Sigurðardóttir, 12.12.2007 kl. 13:20]

Ég er aaaaaalveg að verða búin.....

[Vilma Kristín , 12.12.2007 kl. 23:15]

Glimmer jól eru nú ekki amaleg... örugglega mjög hátíðleg, kannski ég fái mér eitthvað glimmer á nýja bleika jólatréð mitt...