Rebbý

gamalkunnur sunnudagsmorgun

ákvað þegar kirkjuklukkurnar vöktu mig í morgun að eiga bara kósý sunnudagsmorgun fyrir framan tölvuskjáinn, skoða nýjustu færslur bloggvina þar sem ég hef ekki gefið mér tíma í það í marga marga daga og setja spænska sjarmörinn minn á fóninn.

Eftir að hafa lesið yfir hluta færslnanna þá finnst mér einhvernvegin allt volæðið í mér upp á síðkastið bara ekki eiga skilið að brjótast um í kollinum á mér.
Ég má þakka mínu sæla fyrir það sem ég á og hef ...

ÉG á yndislega mömmu sem alltaf er treystandi á.
ÉG á 2 frábæra hálfbræður, annar þeirra á svo duglega konu og báðir frábærann hóp barna sem ég þekki öll vel þrátt fyrir dreifðan aldurshóp.
ÉG á 1 yndislega stjúpu sem bjargar oft deginum með að koma inn á msn og segja bara hæ besta og nennir svo oft að koma og vera með "gömlunni" mér.
ÉG á nokkra þá bestu vini sem fyrir finnast og óheyrilega mikið af kunningjum heyrist mér stundum á þeim þegar farið er í fjölmenni.
ÉG er í vinnu sem mér þykir skemmtileg en jafnframt krefjandi, þar sem vinnur ótrúlega vel samstilltur hópur fólks sem á það mest allur sameiginlegt að vera hörkuduglegur og hafa húmorinn í lagi og eiga frábæra maka sem smella vel inn í hópinn líka.
ÉG mun einhvern tíman eignast íbúðina sem ég bý í þrátt fyrir að hafa fyrir 19 mán skilið og staðið með bara skuldir á bakinu eftir hjónabandið.
ÉG get hreyft mig og tjáð mig þegar ég það vil.

yfir hverju er ég að kvarta .....

Flokkur: Bloggar | 21.10.2007 | 13:18 | Facebook

Athugasemdir

Þú ert frábær!

Þú gleymdir að telja það með.....

Hrönn Sigurðardóttir, 21.10.2007 kl. 19:06

Flott færsla hjá þér sweety.... ég þakka fyrir að hafa kynnst þér fyrir.... hmmm 26 árum síðan eða svo... ég er samt alltaf tvítug sko

Kolbrún Jónsdóttir, 21.10.2007 kl. 20:17

takk Hrönsla mín, við tökum þetta allt á jákvæðninni
og hey Kolla, geta bara ekki verið 26 ár síðan við sátum saman á skólabekk fyrst - ég þakka líka fyrir að hafa kynnst ykkur aðalvinkonunum úr barnaskólanum ... vorum og erum skemmtilegastar