skipulagið ...

Skrapp á danssýningu í Bjarkarhúsinu í Hafnarfirði í gær.  Þetta var sýning hjá Dansíþróttafélagi Hafnarfjarðar og verð nú bæði að segja takk fyrir mig og eins, hver stendur fyrir svona óskipulagi?

Það var búið að auglýsa sýningu frá kl 13 og ég mætti voðalega stundvíslega kl 12:45 til að vera viss um að fá góð sæti, en svo varð klukkan 13, 13:10, 13:20 og þá var loksins hleypt inn í salinn og svo varð klukkan 13:30 og svo 13:40 og 5 mín síðar byrjaði hópur ungra krakka að sýna hvað þau voru búin að læra.

Krakkarnir stóðu sig vissulega misvel og eiga svo sem eftir að læra helling í viðbót en mörg þeirra voru afar skemmtileg bæði á að horfa og spjalla við því þau fóru og buðu okkur gestunum í dans aftur og aftur.

Hlakka til að sjá fleiri sýningar, en þá kannski skipulagðari ....

Athugasemdir

[Hrönn Sigurðardóttir, 10.9.2007 kl. 17:58]

æjá, stundvísi og skipulagning eru kostir sem ekki fer mikið fyrir í dag. Eins og það eru þó góðir kostir!

[Ásdís Sigurðardóttir, 10.9.2007 kl. 20:13]

Algjörlega sammála Hrönn. Það þarf að fara að taka þetta inn í skólanámið. Vonandi lagast þetta.

[Svava S. Steinars, 11.9.2007 kl. 01:55]

Til hamingju með afmælið honey bunny.  Mrrrd með svona tafir, þetta er svo mikil óvirðing við vinnu barnanna, svo ekki sé minnst á gestina. Hef stundum lent í þessu á íþróttamótum - þoli ekki svona