fyrsti dagur til baka eftir frí ...

... var bara rólegur.

Var ekki alveg að nenna að vakna í morgun og var þ.a.l. dugleg að snúsa símann en kom mér þó í sturtuna, fór í ný UK föt og æddi af stað í góða veðrinu til vinnu.

Þegar niður í vinnu kom þá tóku framkvæmdastjórinn og fjármálastjórinn voðalega vel á móti mér, fegnir að sjá mig og eins allar stelpurnar mínar.  
Hafði vantað eitthvað upp á hávaðann og hláturinn núna síðustu vikurnar (skil ekki hvað þau voru að fara)
Nýju UK fötin voru að virka vel eða fríið því öllum fannst ég líta svo vel út í dag og nú er aldeilis pressan á mig að láta það endast út vikuna.
Gerði mitt besta til að halda mér svona afslappaðri í dag og skellti mér bara í skrepp, spjall inn á hinum ýmsu skrifstofum og "fundaði" með nokkrum af verkstjórunum svo ekki náði stressið yfirhöndinni í dag.

Mun gera mitt besta til að vera duglegri á morgun

Athugasemdir

[Ásdís Sigurðardóttir, 22.8.2007 kl. 22:47]

Er leyndarmál hvað skvísan gerir?? Kúlið endist örugglega bara tveir dagar eftir  farðu bara að lulla núna. Góða nótt

[Kolbrún Jónsdóttir, 22.8.2007 kl. 22:50]

Ohhh það er svo gott að eiga rólega daga þegar maður er að koma til vinnu eftir langt frí.  Njóttu þess bara, því það varir ekki lengi, launatímabilið styttist í annan endan:)

Ekki spillir fyrir að líta vel út, þá líður manni svo vel sjálfum og það smitast til annarra:)

Hvernig væri nú að þú myndir kíkja í kaffi til mín eitthvert kvöldið?

[Vilma (IP-tala skráð) 22.8.2007 kl. 22:56]

Algjör skylda að gera ekki neitt fyrsta daginn eftir frí. Held að það sé í lögum eða eitthvað svoleiðis... er alveg viss

[Rebbý, 22.8.2007 kl. 23:03]

já - satt er það Kolla mín að launavinnsluæðið er að bresta á og þar sem enginn hefur haft eftirlit með strákunum mínum meðan ég var í burtu þá verða þetta örugglega agaleg mánaðarmót.   Reyni að kíkja á þig áður en þið hverfið af braut aftur.

Vilma, takk fyrir hjálpina í dag, skilaði vélinni hreinni og ótrúlega ánægð með að enginn sjái hvað ég er búin að leika mér á kvöldin

Ásdís og hinir, ég vinn bæði sem gjaldkeri og launafulltrúi hjá 230manna fyrirtæki hér í borginni .... alltaf bilað að gera.   Tek ráð þitt og er farin að sofa svo ég verði glæsilegust á morgun

[Jóna (IP-tala skráð) 22.8.2007 kl. 23:07]

Þetta er alveg hárrétt hjá Vilmu.  Fyrsti vinnudagur eftir frí á bara að fara í afslöppun og aðlaga sig aftur að vinnunni... alveg satt

[Svava S. Steinars, 22.8.2007 kl. 23:59]

Hmm, ég var að ljúka 3 vinnudegi eftir frí í dag og er enn sofaóadi ofan í lyklaborðið og snústakkinn er orðinn máður af ofnotkun.  Hakkaði í mig bláber úti í móa meðan samstarfsmaður skoðaði olíumengaðan jarðveg.. Þarf held ég viku til að komast í vinnugírinn aftur !