ertu laus um helgina ...

Rosalega langar mig mikið núna sitjandi hérna í rökkrinu að halda glæsilegt matarboð.

Sé alveg fyrir mér að ég hringi á morgun í nokkra góða vini og voni að þau séu öll laus um helgina.   Leggjast svo í kokkabækur og skoða, spá og spekulera hvað skuli elda og ekki spurning um að þetta yrði 3ja rétta matseðill .... lágmark.  
Taka svo íbúðina í gegn og hafa allt tandurhreint, setja kerti í alla glugga og tendra þau því fátt er fallegra á svona haustkvöldi.   Strauja "nýja" dúkinn sem ég keypti síðasta haust og er ekki farin að nota enn og taka svo sparistellið upp og dekka svo upp fallegt borð með blómum.
Gera svo allt tilbúið varðandi matinn, fara í sturtu og gera mig hvað fínasta og fara í eitthvað af nýju fötunum frá útlandinu, taka á móti þessum elskum og eiga fullkomna kvöldstund með góðu spjalli yfir þessum ótrúlega girnilega mat.

Eins gott að ég á eftir að sofa áður en ég hleypi þessu í framkvæmd, næ sambandi við raunveruleikann og sleppi þessu því ég kann ekkert að elda ....

Athugasemdir

[Jóna (IP-tala skráð) 15.8.2007 kl. 08:26]

ég er laus um helgina  

[Ásdís Sigurðardóttir, 15.8.2007 kl. 12:05]

Gaman að fá góðar hugmyndir, sumar verða samt að bíða smá. 

Ég er því miður ekki að fara að gera neitt fyrir neinn, varla sjálfa mig.

[Hrönn Sigurðardóttir, 15.8.2007 kl. 15:05]

Góð hugmynd.

Spurning um að þú haldir í leiðinni smá tízkusýningu

[Vilma (IP-tala skráð) 15.8.2007 kl. 20:15]

bara æfa sig að elda og hringja svo!

[Þröstur Unnar, 15.8.2007 kl. 20:21]

Pantaðu bara Dominoz og hringdu svo.

[Rebbý, 15.8.2007 kl. 22:25]

Já Jóna, ekki nóg með að þú komir í mat á morgun heldur ertu búin að fá mig til að bjóða nokkrum stórglæsilegum dömum yfir á föstudag og það verður bara matarboð.
Ásdís og Hrönn, það verður matarboð bara síðar og tískusýning í kaupbæti
Vilma þú ert busy en hitti þig síðar um kvöldið
Þröstur hélt að þú værir matgæðingur ... Domino's er ekki matur

Nú er bara vandamálið að ákveða matseðilinn