brunarústirnar ég

smá kveðja aftur að utan og núna í vél með íslenskum stöfum (yeah)

Fórum í dag í Alton Towers og verð að segja að þetta er snilldar skemmtigarður fyrir alla fjölskylduna.
Byrjaði þó á að tjá stjúpunni það að ég færi aldrei í svona tæki þar sem ég yrði veik af því að bara horfa á þau á ferð, en endaði þó með að prufa svona bollaferð sem er hönnuð fyrir yngstu börnin og komst upp á bragðið. Fór svo í flúðasiglingu sem endaði með það blautum fötum að helst hefði þurft að vinda þau, en þar sem það voru um 20gráður og sól úti þá þornuðum við fljótt. Svo lét ég platast og fór í mína fyrstu rússibanaferð og hafi mikið gaman að þó það hafi verið til þess að ég hætti (eða ætlaði að hætta) að fara í tækin í dag.
Hef aldrei verið hrifin af því að stjórna ekki sjálf ferð minni og það sást þarna en fór svo að ég hélt í draugahús þar sem væri verið að hræða mann, en nei - þetta var enn eitt tækið og ég endaði með að vera á hvolfi í því í langan tíma haldandi mér í stjúpuna og vin okkar meðan þau hlógu bara að mér .... þvílík fjölskylda sem ég á.

Í gær fórum við til Manchester í verslunarleiðangur í Trafford center og náðum við stjúpan að eyða hellings pening þar (eins og konum einum er lagið að því þið strákarnir hugsið væntanlega núna) og á morgun er stefnan tekin á Liverpool að skoða borgina aðeins auk þess sem kíkja á aðeins í búðir. Annar sólríkur dagur skv veðurspá svo ég verð orðin voðalega brún á minn mælikvarða þegar heim kemur.

Föstudagur verður svo notaður í að ferðast aftur til London og við náum vonandi að kíkja aðeins í Nottinghill og svo er bara dæmigerður ferðamannarúntur á laugardag og vaxmyndasafnið á sunnudag.
Það þarf væntanlega ekki að segja að kíkt verður eitthvað í búðir svo að á sunnudagskvöldinu verður aldeilis gaman hjá okkur dömunum að pakka okkur niður fyrir heimferðina á mánudag.

Voðalega styttist fríið mitt hratt .....

Athugasemdir

[Vilma (IP-tala skráð) 8.8.2007 kl. 23:08]

Haldið áfram að hafa gaman!  Vildi að ég væri í London núna... ohhh, verður að sigla á Thames... algjört must!

[Gísli Bergsveinn Ívarsson, 8.8.2007 kl. 23:12]

Það er gaman að fara í Alton Towers.  Fór þar einu sinni og prófaði þá rússibanann, en man ekki alveg hvað hann heitir ....... hmmm...  heitir hann ekki inferno eða eitthvað svoleiðis?

[Ásdís Sigurðardóttir, 9.8.2007 kl. 12:25]

Stuð og stemming  !!  hafið það sem allra best.

[Jóna (IP-tala skráð) 9.8.2007 kl. 16:28]

Ég er ekkert abbó !!!

[Elín B. (IP-tala skráð) 10.8.2007 kl. 16:22]

Hafið það rusa gott og gaman...kær kveðja til allra.

 Kv Elín